కె24న్యూస్ తెలుగు జూలై 06. చిత్తూరు జిల్లా కుప్పం మండలం మల్లనూరు పంచాయతీలోని కృష్ణాపురం, దుర్గసముద్రం రహదారి వద్ద ఆరు అడుగుల కొండచిలువ ప్రత్యక్షం కావడం స్థానికుల్లో తీవ్ర భయాందోళన నింపింది. విద్యార్థులు, రైతులు నిత్యం రాకపోకలు సాగించే ఈ మార్గంలో భారీ పాము కనిపించడంతో ప్రజలు వణికిపోయారు. వెంటనే అటవీశాఖ అధికారులు స్పందించి ఆ పామును సురక్షితంగా అడవిలోకి తరలించాలని కోరారు. ఎంఆర్పీఎస్ మాజీ జిల్లా అధ్యక్షుడు ఎంపీ ప్రకాష్ మాట్లాడుతూ, ప్రజల భద్రత కోసం అటవీ అధికారులు ప్రత్యేక నిఘా ఉంచాలని, పత్తిచేను ప్రాంత ప్రజలు అప్రమత్తంగా ఉండాలని విజ్ఞప్తి చేశారు. ఈ ఘటన ఆ ప్రాంతంలో కలకలం రేపింది.