వీసా రెన్యూవల్, విదేశీ ఉద్యోగాల పేరుతో డబ్బులు వసూలు చేశారన్న ఆరోపణలు
K24 న్యూస్ విజయవాడ/ఇబ్రహీంపట్నం: వీసా రెన్యూవల్, విదేశీ ఉద్యోగాలు, CoS ఇప్పిస్తామని చెప్పి డబ్బులు వసూలు చేశారన్న ఆరోపణలపై ‘నందూస్ వరల్డ్’ నిర్వాహకురాలు అన్నే రమానందన అలియాస్ నందనను పోలీసులు అరెస్ట్ చేసినట్లు సమాచారం. శంషాబాద్ విమానాశ్రయంలో ఆమెను పోలీసులు అదుపులోకి తీసుకున్నట్లు తెలుస్తోంది.నందనతో పాటు ఆమె భర్త మధుకర్ ‘డెస్టినీ కన్సల్టెన్సీ’ ద్వారా విదేశీ ఉద్యోగాలు, వీసా రెన్యూవల్, CoS ఇప్పిస్తామని పలువురి నుంచి డబ్బులు తీసుకున్నారన్న ఆరోపణలు ఉన్నాయి. అయితే హామీ ఇచ్చిన విధంగా సేవలు అందించలేదని బాధితులు పోలీసులను ఆశ్రయించినట్లు సమాచారం.
రూ.15 లక్షలు చెల్లించానంటూ ఫిర్యాదుఎన్టీఆర్ జిల్లా కొత్తూరుకు చెందిన శివ క్రాంతి కుమార్.. వీసా రెన్యూవల్తో పాటు తన భార్యకు విదేశీ ఉద్యోగం ఇప్పిస్తామని చెప్పడంతో 2023లో రూ.15 లక్షలు చెల్లించినట్లు ఫిర్యాదులో పేర్కొన్నట్లు తెలుస్తోంది. అయితే హామీ నెరవేరకపోవడంతో తన డబ్బులు తిరిగి ఇవ్వాలని కోరినప్పటికీ స్పందన లేకపోవడంతో పోలీసులను ఆశ్రయించినట్లు సమాచారం.ముగ్గురిపై కేసు నమోదుఈ వ్యవహారంపై ఇబ్రహీంపట్నం పోలీస్ స్టేషన్లో కేసు నమోదైనట్లు తెలుస్తోంది. కేసులో మధుకర్ను A1గా, నందనను A2గా, మోహన్రావును A3గా పేర్కొన్నట్లు సమాచారం. ఇదే వ్యవహారంలో మరికొందరు బాధితులు కూడా పోలీసులకు ఫిర్యాదులు చేసినట్లు తెలుస్తోంది.ప్రస్తుతం ఈ వ్యవహారంపై పోలీసులు దర్యాప్తు కొనసాగిస్తున్నట్లు సమాచారం. నిందితులపై వచ్చిన ఆరోపణలు దర్యాప్తులో ఉన్నాయని, కోర్టు తుది నిర్ణయం వెలువడే వరకు నేరం నిర్ధారణ కాలేదని పోలీసులు స్పష్టం చేయాల్సి ఉంది.
