హుస్నాబాద్–కరీంనగర్ రహదారిపై కారు ప్రమాదం.. తృటిలో తప్పిన ప్రాణాపాయం

హుస్నాబాద్, జూన్ 13 (కే24 న్యూస్): హుస్నాబాద్–కరీంనగర్ ప్రధాన రహదారిపై శనివారం కారు ప్రమాదానికి గురైంది. కొండాపూర్–సుందరగిరి గ్రామాల మధ్య ప్రయాణిస్తున్న కారు ఒక్కసారిగా అదుపుతప్పి రహదారిపై బోల్తా పడింది.
ప్రమాదం జరిగిన వెంటనే స్థానికులు సంఘటన స్థలానికి చేరుకుని సహాయక చర్యలు చేపట్టారు. కారులో ప్రయాణిస్తున్న డ్రైవర్‌కు స్వల్ప గాయాలు కాగా, అతడు సురక్షితంగా బయటపడినట్లు సమాచారం. అయితే ప్రమాదంలో కారు తీవ్రంగా దెబ్బతిన్నట్లు తెలుస్తోంది.
ప్రమాదానికి గల ఖచ్చితమైన కారణాలు ఇంకా తెలియరాలేదు. అతివేగం, రహదారి పరిస్థితులు లేదా ఇతర కారణాల వల్ల ప్రమాదం జరిగిందా అనే కోణంలో వివరాలు సేకరిస్తున్నారు. ఘటనపై పూర్తి సమాచారం అందాల్సి ఉంది.