కరీంనగర్ తెలుగు కే న్యూస్ ఆగస్టు 17
బొమ్మకల్ ZPHS బొమ్మకల్ పాఠశాలలో రక్షాబంధన్ పండుగను పురస్కరించుకొని ముందస్తు రక్షాబంధనం కార్యక్రమాన్ని వైభవంగా నిర్వహించారు. ఈ సందర్భంగా విద్యార్థినులు, విద్యార్థులు, ఉపాధ్యాయులు పరస్పరం రాఖీలు కట్టుకొని సోదరభావం, ఆత్మీయత, ఐక్యతను చాటుకున్నారు ఈ కార్యక్రమంలో ఉపాధ్యాయులు విద్యార్థులకు రక్షాబంధన్ పండుగ ప్రాముఖ్యతను వివరిస్తూ, పరస్పర గౌరవం, ప్రేమ, సహకారం , సోదర భావంతో మెలగాలని సూచించారు ఈ సందర్భంగా పాఠశాల ప్రధానోపాధ్యాయురాలు డి జ్యోతి గారు మాట్లాడుతూ, “రక్షాబంధనం కేవలం రాఖీ కట్టుకునే పండుగ మాత్రమే కాదు.. మన మధ్య ఉన్న ప్రేమ, బాధ్యత, రక్షణ భావాలకు ప్రతీక” అని తెలిపారు కార్యక్రమంలో పాఠశాల పూర్వ విద్యార్థి అయిన సుమన్, ఉపాధ్యాయిని, ఉపాధ్యాయులు, విద్యార్థులు తదితరులు పాల్గొన్నారు.
