జైపూర్, అక్టోబర్ 3 తెలుగు కే న్యూస్ ప్రతినిధి గంగాధరి రాజయ్య
ఉన్నతాధికారుల ఆదేశాల మేరకు జైపూర్ ఏసీపీ వెంకటేశ్వర్లు , సీఐ నవీన్ కుమార్ తో కలిసి జైపూర్ ఎస్‌ఐ బుమేష్ ఆధ్వర్యంలో శనివారం నాకాబందీ కార్యక్రమం నిర్వహించారు. మధ్యాహ్నం 12 గంటల నుంచి 2 గంటల వరకు జైపూర్ పరిధిలో విస్తృతంగా వాహన తనిఖీలు చేపట్టారు.ఈ తనిఖీల్లో ట్రాఫిక్ నిబంధనలు ఉల్లంఘించిన వాహనదారులపై 55 ఈ-చలాన్లు విధించారు. అలాగే రెండు డీడీ కేసులు నమోదు చేశారు. నంబర్ ప్లేట్లు లేకుండా వాహనాలు నడుపుతున్న ఐదు వాహనాలను గుర్తించి, వెంటనే నంబర్ ప్లేట్లు ఏర్పాటు చేయించారు.వాహనదారులు తప్పనిసరిగా ట్రాఫిక్ నిబంధనలు పాటించాలని, నంబర్ ప్లేట్లు లేకుండా వాహనాలు నడపవద్దని పోలీసులు సూచించారు. రోడ్డు భద్రతను దృష్టిలో ఉంచుకుని ప్రతి ఒక్కరూ ట్రాఫిక్ నిబంధనలు పాటించాలని కోరారు.
