కామారెడ్డి జిల్లా :k24 న్యూస్ తెలుగు
తిప్పాపూర్ PACS నూతన పాలకవర్గ ప్రమాణ స్వీకారోత్సవానికి ముఖ్య అతిథిగా ప్రభుత్వ సలహాదారు మహమ్మద్ అలీ షబ్బీర్ హాజరు అయ్యారు.
రైతుల సంక్షేమమే కాంగ్రెస్ ప్రభుత్వ ప్రధాన లక్ష్యం: ప్రభుత్వ సలహాదారు మహమ్మద్ అలీ షబ్బీర్
కామారెడ్డి నియోజకవర్గంలోని బిక్నూర్ మండలం తిప్పాపూర్ గ్రామంలో ప్రాథమిక వ్యవసాయ సహకార సంఘం లిమిటెడ్ (PACS) నూతన పాలకవర్గ సభ్యుల ప్రమాణ స్వీకారోత్సవ మహోత్సవం ఘనంగా నిర్వహించారు.
ఈ కార్యక్రమానికి తెలంగాణ ప్రభుత్వ సలహాదారు మహమ్మద్ అలీ షబ్బీర్ ముఖ్య అతిథిగా పాల్గొని నూతన పాలకవర్గ సభ్యులకు శుభాకాంక్షలు తెలిపారు.
ఈ సందర్భంగా తిప్పాపూర్ PACS నూతన చైర్మన్‌గా తిరుపారి భీమ్ రెడ్డి ప్రమాణ స్వీకారం చేశారు. ఆయనతో పాటు నూతన పాలకవర్గ సభ్యులు కూడా ప్రమాణ స్వీకారం చేసి బాధ్యతలు స్వీకరించారు.
అనంతరం జరిగిన కార్యక్రమంలో ప్రభుత్వ సలహాదారు మహమ్మద్ అలీ షబ్బీర్ మాట్లాడుతూ.
రైతుల ఆర్థికాభివృద్ధికి సహకార సంఘాలు కీలక పాత్ర పోషిస్తాయని అన్నారు. గ్రామీణ ప్రాంతాల్లో రైతులకు అవసరమైన రుణాలు, విత్తనాలు, ఎరువులు, వ్యవసాయ సంబంధిత సేవలు సకాలంలో అందేలా PACSలు మరింత సమర్థవంతంగా పనిచేయాలని సూచించారు.
“రైతు బాగుంటేనే గ్రామీణ ఆర్థిక వ్యవస్థ బలపడుతుంది. రైతుల సంక్షేమం కోసం ముఖ్యమంత్రి రేవంత్ రెడ్డి నాయకత్వంలోని కాంగ్రెస్ ప్రభుత్వం అనేక సంక్షేమ, అభివృద్ధి కార్యక్రమాలను అమలు చేస్తోంది. రైతులకు అండగా నిలవడం ప్రభుత్వ ప్రధాన బాధ్యత. PACSలు రైతులకు మరింత చేరువగా ఉంటూ వారి సమస్యలను పరిష్కరించడంలో ముందుండాలి” అని షబ్బీర్ అలీ అన్నారు.
తిప్పాపూర్ PACS నూతన చైర్మన్‌గా బాధ్యతలు స్వీకరించిన తిరుపారి భీమ్ రెడ్డికి షబ్బీర్ అలీ ప్రత్యేకంగా అభినందనలు తెలిపారు. రైతుల నమ్మకాన్ని నిలబెట్టుకుంటూ సహకార సంఘం అభివృద్ధికి కృషి చేయాలని, ప్రతి రైతుకు సమానంగా సేవలు అందించాలని సూచించారు.
PACS ద్వారా రైతులకు అందే సేవలను మరింత విస్తరించడంతో పాటు, సహకార సంఘాన్ని ఆర్థికంగా బలోపేతం చేసేందుకు నూతన పాలకవర్గం కృషి చేయాలని ఆయన ఆకాంక్షించారు. రైతుల సమస్యలను ఎప్పటికప్పుడు ప్రభుత్వం దృష్టికి తీసుకెళ్లి పరిష్కరించేందుకు తనవంతు సహకారం అందిస్తానని హామీ ఇచ్చారు.
కాంగ్రెస్ ప్రభుత్వం రైతుల సంక్షేమానికి అత్యంత ప్రాధాన్యత ఇస్తోందని, వ్యవసాయ రంగాన్ని బలోపేతం చేయడంతో పాటు గ్రామీణ ప్రాంతాల అభివృద్ధికి ప్రభుత్వం నిరంతరం కృషి చేస్తోందని ఆయన తెలిపారు.
ఈ కార్యక్రమంలో డిసిసి మాజీ అధ్యక్షులు కైలాస్ శ్రీనివాస్ రావు. గ్రంథాలయ చైర్మన్ మద్ది చంద్రకాంత్ రెడ్డి, ఇంద్రకరణ్ రెడ్డి, ఎడ్ల రాజిరెడ్డి, మహమ్మద్ ఇలియాస్ ,కాంగ్రెస్ పార్టీ మండల అధ్యక్షులు, నరేందర్ రెడ్డి, ఐరేణి సందీప్ ,రమేష్ గౌడ్, నవసిలాల్ నాయక్, పాత రాజు, ఇప్ప శ్రీనివాస్, తిరుమల గౌడ్, భూమని బాలరాజ్, రెడ్డినాయక్, ఇరెనీ నర్సయ్యా , గోనె శ్రీనివాస్, గాల్ రెడ్డి, లింబాద్రి , సుధాకర్ రెడ్డి, వెంకటేష్ , లింగారెడ్డి, అంకం కృష్ణారావు , ప్రవీణ్ రెడ్డి, సుదర్శన్, చాట రాజేశ్వర్, సాయినాథ్, జీవన్,
నాగరాజ్ గౌడ్, యాదవ రెడ్డి, కాంగ్రెస్ పార్టీ నాయకులు, కార్యకర్తలు, PACS నూతన పాలకవర్గ సభ్యులు, రైతులు, గ్రామ పెద్దలు, సహకార సంఘం అధికారులు, స్థానిక ప్రజాప్రతినిధులు తదితరులు పాల్గొన్నారు.
