టీజేఏ రాష్ట్ర కార్యవర్గ సమావేశంలో కీలక తీర్మానాలు – అక్రిడిటేషన్, హెల్త్ కార్డులు, గృహ స్థలాలు, బీమా, పెన్షన్ అమలుపై ప్రభుత్వానికి విజ్ఞప్తి
హైదరాబాద్, జూలై 5 (K24 NEWS): రాష్ట్రంలోని జర్నలిస్టుల సంక్షేమం, భద్రత, వృత్తిపరమైన హక్కుల పరిరక్షణకు ప్రభుత్వం ప్రత్యేక కార్యాచరణ చేపట్టాలని తెలంగాణ జర్నలిస్టుల అసోసియేషన్ (TJA) రాష్ట్ర కార్యవర్గ సమావేశం డిమాండ్ చేసింది. హైదరాబాద్లో జరిగిన సమావేశంలో జర్నలిస్టుల సంక్షేమ పథకాల అమలు, అక్రిడిటేషన్ కార్డులు, హెల్త్ కార్డులు, గృహ స్థలాలు, బీమా, పెన్షన్ వంటి కీలక అంశాలపై సమగ్రంగా చర్చించారు.
రాష్ట్రవ్యాప్తంగా జర్నలిస్టులు ఎదుర్కొంటున్న సమస్యలను ప్రభుత్వ దృష్టికి తీసుకెళ్లి, వాటి పరిష్కారానికి చర్యలు చేపట్టాలని తీర్మానించారు. జిల్లా, మండల స్థాయిలో సంఘాన్ని బలోపేతం చేయడంతో పాటు సభ్యత్వ నమోదు కార్యక్రమాన్ని విస్తరించాలని నిర్ణయించారు. యువ జర్నలిస్టులకు శిక్షణా కార్యక్రమాలు నిర్వహించి, వృత్తి నైపుణ్యాలను పెంపొందించేందుకు ప్రత్యేక కార్యక్రమాలు చేపట్టాలని సూచించారు.
