పంతులు తండా పాఠశాలలో విద్యార్థులకు యూనిఫామ్స్ పంపిణీ

ప్రభుత్వ పాఠశాలల అభివృద్ధికి గ్రామపంచాయతీ పూర్తి సహకారం: సర్పంచ్ చిన్నా నాయక్

పంతులు తండా, సెప్టెంబర్ 30 (K24 న్యూస్):
పంతులు తండాలోని ఎంపీపీఎస్ పాఠశాలలో విద్యార్థులకు యూనిఫామ్స్ పంపిణీ కార్యక్రమం నిర్వహించారు. ఈ సందర్భంగా గ్రామ సర్పంచ్ చిన్నా నాయక్ విద్యార్థులకు యూనిఫామ్స్ అందజేశారు.అనంతరం ఆయన మాట్లాడుతూ.. ప్రభుత్వ పాఠశాలల్లో విద్యార్థులకు నాణ్యమైన విద్యతో పాటు అవసరమైన సౌకర్యాలు అందుబాటులో ఉన్నాయని తెలిపారు. విద్యార్థుల సౌకర్యార్థం, విద్యాభివృద్ధికి గ్రామపంచాయతీ తరఫున ఎల్లప్పుడూ పూర్తి సహకారం అందిస్తామని పేర్కొన్నారు. విద్యార్థులందరూ క్రమశిక్షణతో చదువుకొని ఉన్నత శిఖరాలను అధిరోహించాలని ఆకాంక్షించారు.