జిల్లా నుంచి నలుగురు యువకులు ఇండియన్ నేవీకి ఎంపిక కాగా, అందులో రాంపూర్ గ్రామానికి చెందిన నిఖిల్ ఉండటం గ్రామంతో పాటు నవీపేట్ మండలం, బోధన్ నియోజకవర్గానికి గర్వకారణమని పలువురు అభినందించారు.
ఈ సందర్భంగా ఆయేషా వెల్ఫేర్ అసోసియేషన్ అధ్యక్షురాలు, మాజీ ఎమ్మెల్యే షకీల్ ఆమెర్ ఆయేషా ఫాతిమా హైదరాబాద్‌లోని తన నివాసంలో నిఖిల్‌ను శాలువా, పూలమాలతో ఘనంగా సన్మానించారు. నేవీ ప్రాథమిక శిక్షణ కోసం ఒడిశాకు వెళ్లనున్న నిఖిల్‌కు ప్రోత్సాహంగా రూ.20 వేల ఆర్థిక సాయం అందించారు.
ఈ సందర్భంగా ఆయేషా ఫాతిమా మాట్లాడుతూ.. దేశ సేవ చేయడం ప్రతి భారతీయుడికి గర్వకారణమని, నిఖిల్ లాంటి యువత దేశ రక్షణలో భాగస్వామ్యం కావాలని ఆకాంక్షించారు. ఇండియన్ నేవీలో ఉన్నత స్థాయికి ఎదిగి రాంపూర్ గ్రామానికి పేరు తీసుకురావాలని అభిలషించారు.
కార్యక్రమంలో నర్సింగ్ రావు, మాజీ సర్పంచ్ అల్లం రమేష్, మాజీ ఎంపీటీసీ గైని మోహన్, సన్నీ సింగ్ తదితర గ్రామ ప్రముఖులు పాల్గొన్నారు.
