నిజామాబాద్ జిల్లా,నవీపేట్, ఆగస్టు 21: మండలంలోని రాంపూర్ గ్రామానికి చెందిన సుంకరి శంకర్ పూరిగుడిసెలో షార్ట్ సర్క్యూట్తో మంటలు చెలరేగాయి. క్షణాల్లో మంటలు గుడిసె మొత్తం వ్యాపించడంతో పూరిగుడిసె పూర్తిగా దగ్ధమైంది.ఈ ప్రమాదంలో ఇంట్లో ఉన్న సుమారు రూ.40 వేల నగదుతోపాటు నిత్యావసర సరుకులు, దుస్తులు, ఇతర ఇంటి సామగ్రి పూర్తిగా కాలిపోయినట్లు బాధిత కుటుంబం తెలిపింది. ప్రమాదంలో ఓ మహిళకు గాయాలైనట్లు సమాచారం.
మంటలు చెలరేగడాన్ని గమనించిన స్థానికులు వెంటనే అక్కడికి చేరుకుని మంటలను అదుపు చేసేందుకు ప్రయత్నించారు. సమాచారం అందుకున్న పోలీసులు ఘటనా స్థలానికి చేరుకుని ప్రమాదానికి సంబంధించిన వివరాలను సేకరించారు.
