తెలుగు కేన్యూస్ ఆగస్టు 21
గుండ్లపల్లి నుండి గన్నేరువరం వరకు రెండు వరుసల డబుల్ రోడ్డు వెంటనే మంజూరు చేసి, నిర్మాణం చేపట్టాలని డిమాండ్ చేస్తూ బిఆర్ఎస్ నాయకులు శుక్రవారం మహా పాదయాత్ర చేపట్టారు. రహదారి సరిగా లేకపోవడం వల్ల నిత్యం ప్రయాణికులు, వాహనదారులు పడుతున్న తీవ్ర ఇబ్బందులను ప్రభుత్వ దృష్టికి తీసుకెళ్లడమే లక్ష్యంగా ఈ పాదయాత్ర నిర్వహించారు.
ఈ పాదయాత్రకు స్థానిక ఆటో డ్రైవర్ల సంఘం పూర్తి మద్దతు ప్రకటించింది. గుండ్లపల్లి – గన్నేరువరం మార్గంలో గుంతలమయమైన రోడ్డు వల్ల ఆటోలు దెబ్బతినడమే కాకుండా, ప్రమాదాలు పెరిగిపోతున్నాయని ఆటో డ్రైవర్లు ఆవేదన వ్యక్తం చేశారు. పాదయాత్రలో పాల్గొన్న నాయకులకు, కార్యకర్తలకు ఆటో డ్రైవర్లు సంఘీభావం తెలుపుతూ తమ మద్దతు అందించారు.
ఈ సందర్భంగా నాయకులు మాట్లాడుతూ:
గుండ్లపల్లి, గన్నేరువరం పరిధిలోని ప్రజలకు, వ్యాపారులకు ఈ రహదారి అత్యంత కీలకమైనదని తెలిపారు.
దెబ్బతిన్న రోడ్డు వల్ల రాకపోకలు సాగించడం నరకప్రాయంగా మారిందని, తక్షణమే ప్రభుత్వం స్పందించి డబుల్ రోడ్డు నిర్మాణం కోసం నిధులు మంజూరు చేయాలని డిమాండ్ చేశారు.
ప్రజా సమస్య పరిష్కారమయ్యే వరకు పోరాటాన్ని ఆపేది లేదని, ప్రభుత్వం స్పందించకపోతే ఉద్యమాన్ని మరింత ఉధృతం చేస్తామని హెచ్చరించారు.
ఈ మహా పాదయాత్రలో స్థానిక బిఆర్ఎస్ ప్రజాప్రతినిధులు, ముఖ్య నాయకులు, కార్యకర్తలు మరియు పెద్ద సంఖ్యలో ఆటో డ్రైవర్లు పాల్గొన్నారు.
