కొవ్వొత్తుల ర్యాలీ నిర్వహించిన పోలీసులు
Want this news as a newspaper clip?
- పోలీస్ అమరవీరుల త్యాగం అజరామరం..
- పోలీస్ అమరవీరులకు ఘనంగా నివాళులు
రాజన్న సిరిసిల్ల జిల్లా, అక్టోబర్ 30, కే24 న్యూస్ తెలుగు ప్రతినిధి.
రాజన్న సిరిసిల్ల జిల్లా కేంద్రంలో పోలీస్ అమరవీరుల సంస్మరణ వారోత్సవాల్లో భాగంగా కొవ్వొత్తుల ర్యాలీ నిర్వహించారు.
సిరిసిల్ల పట్టణం అంబేద్కర్ చౌరస్తా నుంచి గాంధీ చౌరస్తా వరకు సాగిన ఈ ర్యాలీలో జిల్లా ఎస్పీ మహేష్ బి. గితే, పోలీస్ అధికారులు, సిబ్బంది పాల్గొని అమరవీరులకు ఘనంగా నివాళులర్పించారు.
ఈ సందర్భంగా ఎస్పీ మాట్లాడుతూ.. శాంతిభద్రతల పరిరక్షణ కోసం ప్రాణాలర్పించిన పోలీస్ అమరవీరుల త్యాగాలు ఎప్పటికీ మరువలేనివని అన్నారు. వారి ఆశయాలను స్ఫూర్తిగా తీసుకొని ప్రతి ఒక్కరూ సమాజం పట్ల బాధ్యతగా మెలగాలని పిలుపునిచ్చారు.
ఈ కార్యక్రమంలో డీఎస్పీలు, సీఐలు, ఎస్సైలు, పోలీస్ సిబ్బంది పాల్గొన్నారు.
ఇదీ చదవండి :: రైతులకే షరతులా..?
About the author
